ПОВИК ЗА ПРАКТИКАНТИ

Коалицијата на младински организации СЕГА објавува повик за ангажирање на двајца практиканти кои ќе имаат можност да стекнат практично работно искуство, да ги развијат своите професионални вештини и да се вклучат во активности поврзани со работа со млади и соработка со организации и институции.

Кој може да аплицира?

Повикот е наменет за млади лица до 29 години кои ги исполнуваат следните услови:

• завршено средно образование во траење од 4 години, со која било општа или средна стручна подготовка;

• познавање на англиски јазик;

• основно познавање на работа со компјутер и Microsoft Office;

• мотивираност за стекнување нови знаења и практични вештини.

Основни информации

• Локација: Канцеларија на СЕГА во Прилеп

• Времетраење: 3 месеци

• Број на практиканти: 2

Што ќе добијат практикантите?

Во текот на практикантството, избраните кандидати ќе имаат можност да стекнат практично искуство и да ги развијат своите вештини преку вклучување во различни активности, особено во:

• комуникација и соработка со организации и институции;

• работа со млади;

• развивање на аналитички способности;

  подготовка на службени писма, документи и планови за работа;

• организирање и евалуација на едукативни активности;

• собирање, обработка и анализа на податоци;

• секојдневна работа во младинска организација и запознавање со нејзиното функционирање.

Практикантството претставува можност младите да стекнат реално работно искуство, да развијат професионални компетенции и да се запознаат со работата во младинскиот сектор.

Како да аплицирате?

Заинтересираните кандидати можат да се информираат за условите и потребната документација и да ја достават својата апликација на: This email address is being protected from spambots. You need JavaScript enabled to view it.

Краен рок за аплицирање: 4 септември 2026 година.

Ги охрабруваме сите заинтересирани млади кои сакаат да стекнат нови искуства и знаења да ја искористат оваа можност и да аплицираат.