На 15 Септември 2009 година во салата во општина Центар беше промовиран Акциониот План за имплементација на НСМ. Целта на организирањето на овие настани е  да се промовира усвоениот Акционен план за имплементација на НСМ за 2009 година и да се запознаат локалните институции со предвидените активности од Акциониот План. Планот ќе се промовира во 20 општини во Република Македонија.

На 09 Септември 2009 година во централната канцеларија на Коалиција СЕГА персоналот имаше средба со директорот на USAID мисијата во Македонија, г-динот Мајкл Т. Фриц.

    

Во период од 25 Август – 02 Септември Коалиција СЕГА објави повик за фасилитатори. На 03 Септември 2009 година Комисијата за евалуација на апликациите донесе одлука за избор на фасилитатори. За фасилитатори се избрани:
-    Дарко Конески – Младински Совет - Прилеп
-    Димче Каневче – Младински Совет - Охрид
-    Љупчо Велковски – Интеркултура Скопје
-    Едлира Палоши – Центар за Балканска Соработка  Лоја - Тетово
-    Ерол Адемов – Здружение за мултиетничко општество за човекови права – Штип
Во период од 14 – 20 Септември 2009 година фасилитаторите ќе фасилитираат по две фокус групи (со родители и фокус група со деца).

Почитувани,

Во рамките на проектот “Имплементација на Конвенцијата за правата на детето во Македонија“, финансиран од Pestalozzi Children’s Foundation и Коалиција СЕГА, а кој  Коалицијата СЕГА го спроведува во периодот од 01 Мај – 31 Декември 2009 година,  објавува ПОВИК ЗА ФАСИЛИТАТОРИ.

Се повикуваат активисти и членови на невладини организации да аплицираат за фасилитирање на фокус групи (фокус група со родители и фокус група со деца на возраст од 10 – 12 години). За учество во оваа активност ќе бидат селектирани 5 фасилитатори од следните градови: Скопје, Прилеп, Штип, Тетово и Охрид.

Критериуми за избор на фасилитатори:

-       Минимум 2 години искуство во НВО сектор
-       Искуство во работа со деца (формално образование, неформално образование, детски кампови)
-       Познавање на детски права
-       Добри интерперсонални способности
-       Добри комуникациски вештини
-       Способност да собира и анализира информации, како и да изведува заклучоци
-       Способност да фасилитира и координира настани
-       Способност за работа во мултикултурна средина
-       Предност имаат кандидатите кои имаат познавање на квалитативни истражувачки методи
-       Во Тетово предност имаат кандидати со познавање и на албанскиот јазик

Процесот на организирање на фокус групите треба да биде спроведен во втората половина од месец Септември. За спроведување на оваа активност предвиден е соодветен надомест.

Сите заинтересирани за учество во оваа активност (фокус групи) можат да се пријават со пополнување на Апликација која треба да ја испратат заедно со кратка биографија на следната адреса Оваа е-пошта е заштитена од spambots, треба да вклучите JavaScript за да ја видите или на факс: 048 429 390.

Краен рок за испраќање на апликациите и кратката биографија е 02 Септември 2009 година.

Download: Апликација за фасилитатори

За дополнителни информации, слободно контактирајте со:


Маја Иваноска
Асистент на проектот
Оваа е-пошта е заштитена од spambots, треба да вклучите JavaScript за да ја видите
 

Томислав Гајтаноски
Асистент на проектот
Оваа е-пошта е заштитена од spambots, треба да вклучите JavaScript за да ја видите

Во периодот од 17 – 20 Август 2009 година во хотел Славија во Охрид беше организирана работилница за Стратешко планирање на Коалиција СЕГА. Работилницата се реализираше во состав на Административниот грант за стратешко планирање поддржан од Институтот за Трајни Заедници. На работилницата учествуваа 14 претставници на управните и извршните структури на Коалицијата како и претставници од организациите членки на Коалицијата. Во текот на работилницата се дефинираа новите насоки и стратегии на Коалиција СЕГА во следните три години. Исто така беше изработен и Акционен План за активности за 2010 година.

ЈАВЕН ПОВИК ЗА ИЗБОР НА НАДВОРЕШЕН КОНСУЛТАНТ ЗА ИЗРАБОТКА НА СТРАТЕГИЈА ЗА ПРИБИРАЊЕ НА СРЕДСТВА

Организација: Коалиција на младински организации СЕГА
Име на проект: Грант за институционален развој - Стратешко планирање

Позиција: Консултант за развивање на Стратегија за прибирање финансиски средства (Fundraising Strategy)

Коалицијата на младински организации СЕГА објавува јавен повик за консултантски услуги за развивање на Стратегија за прибирање финасиски средства (Fundraising Strategy). Консултантот треба да фасилитира работилници за развивање на Стратегијата за прибирање финансиски средства, како и да учествува во подготовката на самата Стратегија.

Коалицијата на младински организации СЕГА е одржлива и развиена непрофитна младинска организација која делува на локално, национално и регионално ниво, долгорочен и сериозен партнер во имплементација на младински програми заедно со младите, НВО-и, државните институции и бизнис-секторот. СЕГА континуирано работи на застапување и лобирање на полето на младинската политика во РМ, ги поврзува и јакне младите со цел подобрување на нивната општа состојба. 

Коалиција на младински организации СЕГА доби грант за институционален развој кој предвидува креирање на нов тригодишен Стратешки план како и развивање на Стратегија за прибирање финансиски средства. Одобрениот грант е во состав на Проектот за зајакнување на граѓанското општество спроведувана од Институтот за трајни заедници со фондови од УСАИД во Македонија.

Стратешкиот план како и Стратегијата за прибирање финансиски средства ќе бидат развиени од работна група составена од младински работници кои се вклучени во работата на СЕГА, членови на организации членки на СЕГА, претставници од управната и извршната структура на Коалицијата како и надворешни членови.

Ангажманот на консултантот ќе биде со времетраење од најмногу 8 дена во текот на месец септември 2009 година. Работните обврски на консултантот ќе бидат:

- Да подготви и фасилитира дводневна работилница за креирање на Стратегија за прибирање финансиски средства,
- Да подготви и фасилитира еднодневна работилница за комплетирање на нацрт Стратегијата,
- Да обезбеди тековни и финални консултации при подготовката на стратегијата.

При аплицирањето кандидатите треба да достават:
1. биографија (CV)
2. мотивационо писмо
3. листа на референци
4. предлог методологија за одржување на работилниците.
5. цена на чинење на услугата

Апликантите мора да ги исполнуваат следниве критериуми:
1. Висок степен на образование во полето на економија / финансии или бизнис
2. Широко познавање на развојот на невладиниот сектор.
3. Пет (5) години работно искуство во приватниот или невладиниот сектор во полето на финансии
4. Искуство во креирање на стратегија/политика за прибирање на средства (во прилог на соодветната документација да се достави и референци од организации со кои претходно изработил стратегии за прибирање средства).

Download: Опис на работните задачи

Крајниот рок за аплицирање е 01 септември 2009 година. Избраниот апликант ќе биде контактиран најдоцна до 11 септември 2009.

Документите треба да се испратат на следнава адреса:

Коалиција на младински организации СЕГА
Ул. Иво Лола Рибар бр. 5, 7500 Прилеп
Со назнака „Јавен повик за консултант".

Заинтересираните апликанти можат да добијат дополнителни информации преку следните личности:

Зоран ИЛИЕСКИ
Извршен Директор
Коалиција на младински организации СЕГА
Е-маил: Оваа е-пошта е заштитена од spambots, треба да вклучите JavaScript за да ја видите
Тел: +389 70 73 33 47
       +389 48 42 93 90

Моника ИЛИОСКА
Асистент на проектот
Коалиција на младински организации на СЕГА
Е-маил: Оваа е-пошта е заштитена од spambots, треба да вклучите JavaScript за да ја видите
Тел: +389 71 43 37 57
       +389 48 42 93 90

Преку активностите од проектот Совети на млади во општините, кои се реализираа во изминатиот период, се воспостави институционална рамка за учество на младите во процесите на донесување на одлуки во општините Штип и Радовиш. Имено се извршија промени во Статутите на овие општини во делот на задолжително формирање на Совети на млади. Формирањето на Советите на млади во општините ќе отпочне од месец Септември.