Во периодот од 18 – 20 Декември 2009 година во хотел Оаза Штип беше организиран тренинг младинско учество. Оваа активност е во состав на проектот „Промовирање на младинскиот активизам во неразвиените региони“, финансиран од National Endowment for Democracy. На тренингот присуствуваа претставници од организации членки на Коалиција СЕГА вклучени во активностите од овој проект. Целта на овој тренинг беше  учесниците да се запознаат со темата младинска партиципација, актуелните состојби и законската рамка во оваа област во РМ и ЕУ.

 

                         

Во периодот од 04 – 06 Декември 2009 година во хотел Оаза Штип беше организиран тренинг за тренери. Оваа активност е во состав на проектот „Промовирање на младинскиот активизам во неразвиените региони“, финансиран од National Endowment for Democracy. На тренингот присуствуваа 10 учесници - претставници од организации членки на Коалиција СЕГА од Прилеп, Битола, Кавадарци, Неготино, Скопје, Делчево, Свети Николе и Струмица. Целта на овој тренинг беше  учесниците да се запознаат со темата младинска партиципација, актуелните состојби и законската рамка во оваа област во РМ и ЕУ и да се оспособат самостојно да подготвуваат обука за младинска партиципација.
Учесниците на овој тренинг се стекнаа со теоретски и практични знаења и вештини потребни за организирање на обуки за младинско учество. Исто така, учесниците беа запознаени со основните модели на младинска партиципација, методи за работа и испорака како и со обучувачки вештини. На крајот на тренингот на учесниците им беа дадени инструкции за симулација преку која симулираа процес на испорака на обука за младинско учество.

Во состав на активностите од проектот „Промовирање на Конвенцијата за правата на детето помеѓу децата во Македонија“ во период од 06 – 08 Ноември 2009 година во Студентскиот дом „Орде Чопела“ – Прилеп се одржа Тренинг за тренери. На тренингот присуствуваа 14 деца на возраст од 13 – 15 години. Обучувач на овој тренинг беше Невенка Крушаровска – заменик народен правобранител за заштита на правата на децата.

На овој тренинг учесниците се стекнаа со знаења и вештини за поимот право, основните права, Конвенцијата за правата на детето,  принципите на Конвенцијата, правата на децата на националностите, децата со пречки во развојот, правото на посебна заштита, постапка против малолетни сторители на казниви дела, каде и како да се остварат и заштитат детските права и како да се бара помош од Народниот правобранител. Во овој период обучените едукатори организираа peer работилници во основните и средните училишта во Прилеп, Штип, Тетово, Скопје и Охрид на тема Конвенција за правата на детето.

Во секој од градовите беше одбрано по едно основно училиште, во кое се спроведуваат настани за локална промоција на Конвенцијата за правата на детето. Во состав на овие активности беа објавени конкурси за избор на најдобра ликовна и најдобра литературна творба на тема Правата на Детето.

На 03 Декември во Скопје и Охрид и на 09 Декември 2009 година во Прилеп беа организирани настани за промоција на Конвенцијата за правата на детето. На овие настани беа доделени дипломи за најдобрите ликовни и литературни творби и благодарници за основните училиштата за даден придонес во имплементацијата на проектот. Учениците од основните училишта преку пригодни програми ги претставија своите права низ музика, драма и лични творби.

Коалиција на младински организации СЕГА од 01 Декември 2009 година започна со имплементација на проектот „Младинска стратегија во културата на локално ниво“.

Целта нa проектот е да се изготви и усвои Локална Младинска стратегија во културата на општина Прилеп.  

Предвидени активности од проектот се: Утврдување на состојбата/проблеми и потреби, Изготвување на драфт Локална Младинска стратегија (ЛМС) во културата, Учество на јавноста при креирањето на локалните политики, Изработка на драфт од јавните расправи и Доставување на Драфт од ЛМС во културата до Советот на општина Прилеп.

Проектот ќе се имплементира во период од 4 месеци, а финансиран е од Министерството за култура на Република Македонија. 

На 29^ти Ноември 2009 се одржа состанок на Управниот Одбор на Коалиција СЕГА. На состанокот се усвои стратешкиот план за работа на Коалицијата за наредните три години 2010 – 2012 година. Исто така беа примени три нови придружни членки на Коалиција СЕГА: Акција за млади од Делчево, Голем Град од Ресен и Граѓански Центар за Превенција и Ресоцијализација од Неготино.

Во состав на активностите од проектот „Учество на младите во процесите на креирање на политики – Вклучете не СЕГА“ на 25 Ноември 2009 година во Клуб на новинари – Скопје се одржа округла маса на тема „Учество на младите девојки и жени во процесите на креирање политики“. На округлата маса присуствуваа претставници од национални институции и организации кои работат на родови прашања.

Целта на оваа округла маса беше да се разменат искуства за учеството на младите девојки и жени во процесите на креирање на политики и да се разгледаат нови можности кои би обезбедиле поголемо информирање и учеството на младите девојки и жени во процесите на донесување на одлуки во локалните самоуправи.

На округлата маса беа донесени заклучоци дека треба да се воведe едукација за родова еднаквост во средните училишта; да се направи истражување за потребите на младите; законската регулатива да биде родово сензитивна; да се формираат Совети на млади и Национален Совет за млади кои што ќе имаат родов баланс и НВОи да го покренат прашањето за Законот за недискриминација. 

Организација:                         Коалиција на младински организации СЕГА

Име на проект:                       Совети на млади во општините

Позиција:                                Обучувач за одржување на обука на тема
                                                „Застапување и лобирање“

Коалицијата на младински организации СЕГА објавува јавен повик за испорака на обука на тема „Застапување и лобирање“. Обучувачот треба да испорача дводневна обука на која присутните би се стекнале со знаења од областа на застапувањето и лобирањето.

Коалицијата на младински организации СЕГА е одржлива и развиена непрофитна младинска организација која делува на локално, национално и регионално ниво, долгорочен и сериозен партнер во имплементација на младински програми заедно со младите, НВО-и, државните институции и бизнис-секторот. СЕГА континуирано работи на застапување и лобирање на полето на младинската политика во РМ, ги поврзува и јакне младите со цел подобрување на нивната општа состојба.  

Коалиција на младински организации СЕГА доби грант кој има за цел: Вклучување на граѓаните во донесувањето на одлуки. Одобрениот грант е во состав на Проектот за зајакнување на граѓанското општество спроведуван од Институтот за трајни заедници со фондови од УСАИД во Македонија.

Ангажманот на обучувачот ќе биде со времетраење од најмногу 2 дена во текот на месец Декември 2009 година. Работните обврски на обучувачот ќе бидат:

-       Да подготви работни материјали за дводневна обука,

-       Да испорача дводневна обука,

-       Да изготви извештај од истиот.

При аплицирањето кандидатите треба да достават:

1.     биографија (CV)

2.     мотивационо писмо

3.     листа на референци

4.     предлог методологија за одржување на обуката.

5.     цена на чинење на услугата

Апликантите мора да ги исполнуваат следниве критериуми:

1.     Висок степен на образование

2.     Широко познавање на развојот на невладиниот сектор.

3.     Пет (5) години работно искуство во приватниот или невладиниот сектор

4.     Искуство во испорака на обуки од областа на застапувањето и лобирањето (во прилог на соодветната документација да се достави и референци од организации со кои претходно работел на оваа тематика).

Крајниот рок за аплицирање е 01 Декември 2009 година. Избраниот апликант ќе биде контактиран најдоцна до 05 Декември 2009.

Документите треба да се испратат на следнава адреса:

Коалиција на младински организации СЕГА
Ул. Иво Лола Рибар  бр. 5, 7500 Прилеп
Со назнака „Јавен повик за обучувач″.

Заинтересираните апликанти можат да добијат дополнителни информации преку следните личности:

Зоран ИЛИЕСКИ
Извршен Директор
Коалиција на младински организации СЕГА
Е-маил: Оваа е-пошта е заштитена од spambots, треба да вклучите JavaScript за да ја видите
Тел:      +389 70 73 33 47
            +389 48 42 93 90

Дарко КОНЕСКИ
Асистент на проектот
Коалиција на младински организации на СЕГА
Е-маил: darkok@sega.org.mk
Тел:      +389 71 27 27 82
            +389 48 42 93 90

Се повикуваат членови на организациите членки на Коалиција СЕГА кои имаат претходно искуство во испорачување на обуки да аплицираат за учество на Тренинг за Тренери во полето на Младинско учество и Младинска политика. Преку овој тренинг се очекува да се воспостави јадро на тренери кои ќе бидат ресурс за понатамошни настани како што се тренинзи и работилници организирани од страна на Коалиција СЕГА во областа на Младинското учество и Младинска политика. За учество во оваа активност ќе бидат селектирани 10 апликанти од постојните организации членки на Коалицијата.

Тренингот за тренери ќе биде спроведен во периодот од 04 - 06 Декември 2009 година.

Сите заинтересирани за учество во овој тренинг можат да се пријават со испраќање на биографија и мотивационо писмо како и со пополнување на Апликација која треба да ја испратат на следната адреса   Оваа е-пошта е заштитена од spambots, треба да вклучите JavaScript за да ја видите или на факс: 048 429 390.

Краен рок за испраќање на апликации е 20 Ноември 2009 година. 

Селектираните кандидати ќе бидат известени најдоцна до 25 Ноември 2009 година.

За дополнителни информации, слободно контактирајте со:

Маја Иваноска

Асистент на проектот

Оваа е-пошта е заштитена од spambots, треба да вклучите JavaScript за да ја видите

Томислав Гајтаноски

Асистент на проектот

Оваа е-пошта е заштитена од spambots, треба да вклучите JavaScript за да ја видите

Коалиција СЕГА

Централна канцеларија

Телефон/факс: 048 429 390