Коалиција на младински организации СЕГА од 01 март 2010 година започна да го имплементира проектот „Анализа на европското и македонското законодавство кое ги опфаќа младите“. Проектот ќе се имплементира во период од 5 месеци а е финансиски подржан од програмата CIVICA MOBILITAS која ја спроведува ЦИРА (Центарот за Институционален Развој) и е финансирана од SDC.

Во периодот од 19 – 21 февруари 2010 година во хотел Оаза Штип беше организиран тренинг за застапување и лобирање. Оваа активност беше организирана во состав на проектот „Промовирање на младинскиот активизам во неразвиените региони“, финансиран од National Endowment for Democracy. На тренингот присуствуваа претставници од локалните самоуправи и членови на Советите на општините вклучени во активностите од овој проект. Целта на овој тренинг беше  учесниците да се запознаат со застапувањето и лобирањето посебно да стекнат знаења како да креираат кампања за застапување.

Од 01 Јануари 2010 година, Коалиција СЕГА започна да го спроведува проектот „Креирање на Локални Младински Стратегии“. Проектот ќе се имплементира 11 месеци во 10 општини во Република Македонија: Аеродром, Кисела Вода, Тетово, Штип, Кавадарци, Прилеп, Свети Николе, Радовиш, Гевгелија и Битола. Овој проект е во состав на годишната програма на Коалиција СЕГА финансирана со програмата CIVICA MOBILITAS која ја спроведува ЦИРА (Центар за Институционален Развој) во Македонија. Проектот е исто така финансиран од Агенцијата за млади и спорт како и Локалните Самоуправи во селектираните градови. Целта на проектот е да се зголеми активното учество на младите во политичкиот, социјалниот, економскиот и културниот живот во локалната заедница преку изготвување на локални стратегии за млади.

Организација:      Коалиција на младински организации СЕГА

Позиција:             Консултант за подготовка на компаративна анализа на домашна и европска легислатива која регулира статус на млади

Коалицијата на младински организации СЕГА објавува јавен повик за консултантски услуги за спроведување компаративна анализа на домашната и европската легислатива како и на постоечките документи кои го регулираат статусот на младите.

Коалицијата на младински организации СЕГА е одржлива и развиена непрофитна младинска организација која делува на локално, национално и регионално ниво, долгорочен и сериозен партнер во имплементација на младински програми заедно со младите, НВО-и, државните институции и бизнис-секторот. СЕГА континуирано работи на застапување и лобирање на полето на младинската политика во РМ, ги поврзува и јакне младите со цел подобрување на нивната општа состојба.  

Коалиција на младински организации СЕГА доби институционален грант за спроведување на годишната програма за 2010 година на Коалиција СЕГА кој предвидува подготовка на анализа на законската регулатива која ги опфаќа младите. Одобрениот грант е во рамките на Програмата CIVICA MOBILITAS спроведувана од Центарот за Институционален Развој (ЦИРА) и финансиски поддржана од СДЦ.

Ангажманот на консултантот ќе биде со времетраење од најмногу 15 дена во периодот 01 Март – 15 Април 2010 година. Работните обврски на консултантот ќе бидат:

-       Подготовка на листа на документи (законска рамка) донесени на европско и национално ниво

-       Изработка на  концепт за анализа на законската документација

-       Подготовка на анализата со формулирани препораки

-       Подготовка на Завршен извештај

При аплицирањето кандидатите треба да достават:

1.     Биографија (CV)

2.     Портфолио од претходни анализи од ваков тип

3.     Листа на референци

4.     Предлог концепт за анализа

5.     Цена на чинење на услугата

Апликантите мора да ги исполнуваат следниве критериуми:

1.     Висок степен на образование во полето на правни науки

2.     Широко познавање на развојот на невладиниот сектор.

3.     Пет (5) години работно искуство во приватниот или невладиниот сектор во полето на право

4.     Искуство во подготовка на анализи од сличен тип (во прилог на соодветната документација да се достави и референци од организации/институции со кои претходно изработил слични анализи).

Крајниот рок за аплицирање е 23 февруари 2010 година. Избраниот апликант ќе биде контактиран најдоцна до 26 февруари 2010 година.

Документите треба да се испратат на Оваа е-пошта е заштитена од spambots, треба да вклучите JavaScript за да ја видите или на следнава адреса:

Коалиција на младински организации СЕГА
Ул. Иво Лола Рибар  бр. 5, 7500 Прилеп
Со назнака: „Јавен повик за консултант″.

Заинтересираните апликанти можат да добијат дополнителни информации кај следните контакт лица:

Зоран Илиески
Извршен Директор
Коалиција на младински организации СЕГА
Е-маил: Оваа е-пошта е заштитена од spambots, треба да вклучите JavaScript за да ја видите
Тел:      +389 78 470 400
            +389 70 733 347                       
             +389 48 429 390

Маја Иваноска Крстевска
Координатор на проектот
Коалиција на младински организации на СЕГА
Е-маил: Оваа е-пошта е заштитена од spambots, треба да вклучите JavaScript за да ја видите
Тел:      +389 78 470 401                       
             +389 71 278 460
             +389 48 429 390

Во период од 01 Мај – 31- Декември 2009 година Коалиција СЕГА го имплементираше проектот „Имплементација на Конвенцијата за правата на детето во Република Македонија“, поддржан од Pestalozzi Children’s Foundation. Главната цел на овој проект беше изготвување на Алтернативен Извештај за состојбата од имплементацијата на Конвенцијата за Правата на Детето во Република Македонија.

Извештајот беше подготвен преку однапред утврдена методологија за истражување, кое се состоеше од анкета, мапирање, фокус групи и деск истражување. На 01 Ноември 2009 година Алтернативниот извештај беше доставен до Комитетот за Правата на Детето при Обединетите Нации, со седиште во  Женева.

Во насока на презентација на извештајот пред Комитетот на ОН за Правата на Детето Г-дин Зоран Илиески, Извршен Директор на СЕГА и менаџер на проектот, и г-ѓа Марија Нашоковска, од истражувачкиот тим, присуствуваа на сесијата на овој Комитет наменета за презентација на алтернативните извештаи од НВОи за Република Македонија, во Женева во период од 01 – 04 Февруари 2010 година.

 

Врз основа на поднесеното барање за членство во Европската Агенција за Младинско Информирање и Советување (ERYICA), Коалиција на младински организации СЕГА е прифатена за организација соработник на ERYICA.

Членството во ERYICA како организација соработник е во насока на исполнување на Стратешкиот План 2010-2013 на СЕГА, а е резултат на двегодишната партнерска соработка со ERYICA. Апликацијата за организација соработник беше поднесена за време на 20^то Генерално Собрание на ERYICA, кое се одржа во декември 2009 год., на кое учествуваше и Извршниот Директор на Коалиција СЕГА.

Европската Агенција за Младинско Информирање и Советување (European Youth Information and Counseling Agency) е меѓународна непрофитна асоцијација формирана на 17^ти април 1986 година и е партнер на Европската Комисија и Советот на Европа.

Во моментов, ERYICA ја сочинуваат 26 организации - основни членки, 4 придружни членки и 3 организации соработници кои работат во 26 земји, со повеќе од 8.000 младински информативни центри, каде што 13000 работници им даваат на младите информации според принципите на Европската повелба за младинско информирање.

Во периодот од 29 – 31 јануари 2010 година во хотел Оаза Штип беше организиран тренинг за младинско учество. Овој тренинг беше организиран во состав на активностите од проектот „Промовирање на младинскиот активизам во неразвиените региони“, финансиран од National Endowment for Democracy. На тренингот присуствуваа претставници од Локалните Самоуправи и советници од Советите на општините вклучени во проектот. Целта на овој тренинг беше претставниците од Локалните Самоуправи да се запознаат со темата младинска партиципација, актуелните состојби и законската рамка во оваа област во РМ и ЕУ.

Коалиција на младински организации СЕГА од 01 Декември 2009 година започна со имплементација на проектот „Младинска стратегија во културата на локално ниво“, финансиран од Министерството за култура на Република Македонија. Целта нa проектот е да се изготви и усвои Локална Младинска стратегија во културата на општина Прилеп.

На 11 јануари 2010 година во Прилеп се одржа фокус група со млади. На оваа фокус група присуствуваа средношколци, студенти и претставници од локални младински организации. Целта на организирањето на оваа фокус група беше да се одредат информации потребни за дефинирање на приоритетите и потребите на младите во областа на културата во општина Прилеп.