На 31 март 2010 година во големата сала на Локална Самоуправа Прилеп беше организирана   Јавна расправа за Драфт локалната младинска стратегија во областа на културата за Прилеп. Оваа активност беше организирана во состав на проектот “Локална младинска стратегија во областа на културата за општина Прилеп“ имплементиран од страна на Коалиција на младински организации СЕГА, а финансиран од Министерството за култура.

Целта на организирањето на Јавната расправа беше да се обезбеди поголемо вклучување на јавноста, културните институции, а посебно младите во креирањето на политики.

На настанот присуствуваа претставници од Локалната Самоуправа, културните институции, средношколци и студенти и беа дадени неколку забелешки во однос на стратегијата. Забелешките ќе бидат доставени до работната група која што ќе одлучи кои од нив ќе ги прифати, а кои не. 

Во периодот од 30 – 31 март 2010 година, делегација од Европската Агенција за Младинско Информирање и Советување (ERYICA – European Youth Information and Counseling Agency) во состав од Извршниот Директор, Давиде Капеки, и претставник на Управниот Одбор на истата, Саша Дупор, беше во официјална посета на Коалиција на младински организации СЕГА.

Во текот на посетата делегацијата се сретна со Извршниот Директор на Коалиција СЕГА како и со тимот од централната канцеларија. На средбите се дискутираше за активностите поврзани со отворањето на првиот Младински Информативен Центар во Македонија, за локацијата во која би се сместил Центарот, повикот за пополнување на работните позиции и потенцијалниот датум за неговото отворање. Исто така, се дискутираше за бенефициите и одговорностите од членството на Коалиција СЕГА како организација соработник во ERYICA.

Во периодот од 27 – 28 март 2010 година во хотел Оаза Штип беше организиран семинар за младинско учество на локално ниво. Овој семинар беше организиран во состав на активностите од проектот „Промовирање на младинскиот активизам во неразвиените региони“, финансиран од National Endowment for Democracy. На семинарот присуствуваа претставници од здруженијата на граѓани, Локалните Самоуправи и советници од Советите на општините Прилеп, Битола, Ресен, Охрид, Струга, Кавадарци, Неготино и Гевгелија. Целта на овој семинар беше да се утврдат постоечките модели на младинско учество и да се креираат нови модели на младинско учество на локално ниво.

Почитувани,

Во периодот од 8 до 12 март 2010 во Caen Долна Нормандија се реализира студиска посета „Стручно насочување и интегрирање на младите“. Студиската посета имаше за цел да се согледаат искуствата на регионот Долна Нормандија кои се во насока на подобрување на интеграција на младите преку промоција и нивно вклучување на локално и на Европско ниво. Специфично, посетата беше насочена кон согледување на искуствата и иницијативите кои ги превземаат  локалните власти за решавање на прашања поврзани со младинско информирање и обуки за младинско вработување.
Во текот на посетата беа остварени средби со организации и институции посветени на социјалната и професионалната интеграција за младите луѓе со цел продолжување на образованието и центри за обуката и усовршување. Исто така беа посетени и организациите кои работат во полето на младинско информирање со цел да се споделат практиките кои би биле применливи при отворањето на Младинскиот Информативен Центар во Македонија.
Делегацијата од Република Македонија да ја сочинуваа претставници (млади членови) од Советите на Општините Прилеп, Аеродром, Штип и претставник од Агенцијата за млади и спорт на Република Македонија.
Оваа активност е дел од Проектот за децентрализирана соработка помеѓу Република Македонија и Регионот Долна Нормандија од Франција, раководен од Асоцијацијата на агенции за локална демократија (ALDA), а имплементирана од страна на Коалиција на младински организации СЕГА – Македонија и Европска Куќа од Франција.

Во периодот од 19 – 21 март 2010 година во хотел Солферино - Струга беше организирана обука за креирање на Локални Младински Стратегии (ЛМС). На обуката присуствуваа претставници од Локални Самоуправи, членови на Совет и здруженија на граѓани од следните општини: Прилеп, Битола, Кавадарци, Тетово, Илинден, Кисела Вода, Свети Николе, Радовиш и Штип.

Учесниците на оваа обука се стекнаа со знаења за чекорите за подготовка на ЛМС, улогата на локалната самоуправа и засегнатите страни во процесот, формат за подготовка на стратегијата, значење и подготовка на Акциони планови за реализација на стратегијата и следење на остварувањето на Акциониот план  и мерење на постигнувањата.

Комисијата за евалуација на пристигнатите апликации од повикот „Учество на младите во процесите на донесување одлуки и политичките процеси“ ги разгледа пристигнатите апликации од младинските организации вклучени во активностите од овој проект. Со овој повик се подржаа 4 проекти кои што во партнерство ќе бидат имплементирани од страна на  следниве организации:

·          Младински Совет - Охрид и Младински Форум ОКО – Струга, ќе го имплементираат проектот „Младите можат“

·          Форум на млади - Битола и Голем Град – Ресен, ќе го имплементираат проектот  „Активна младинска партиципација и делување“

·          ЗОНА - Кавадарци и Младински Совет – Прилеп, ќе го имплементираат проектот „Информирани – Мотивирани – ВКЛУЧЕНИ“

·          Граѓански центар за превенција и ресоцијализација – Неготино и Младински Совет Форса – Гевгелија ќе го имплементираат проектот „Можеме, знаеме и умееме“

На Јавниот повик за избор на консултант во состав на проектот „Анализа на европското и македонското законодавство кое ги опфаќа младите“, вкупно пристигнаа 5 апликации:

1.     Горица Атанасова

2.     Емилија Тасева

3.     Катерина Георгиевска

4.     Жарко Хаџи-Зафиров

5.     ЦИКП Консалтинг