Следете не:

Македонски (Macedonian)EnglishFrançais

"Децата имаат право да кажат што мислат. Кога возрасните носат одлуки кои ги засегаат, децата имаат право нивните мислења да се земаат предвид."
Член 12, Конвенција за правата на детето
 
 

 

 

 

 

      

 КОНТАКТИРАЈТЕ НЕ:     

    

Почетна

Реализирана обука за Раководење со проектен менаџмент

  • PDF
  • Печати
  • Е-пошта

  

 

Во рамки на проектот „Застапување на Граѓанските Организации за активно младинско учество“ Коалиција на младински организации СЕГА во период од 10 и 11 јули 2018 година ја реализира обуката на тема „Раководење на Проектен циклус“ во просториите на Коалиција СЕГА. 
На обуката присуствуваа 11 учесници, преставници на партнер организациите на проектот МИРР и ЛАГ АГРО Лидер од Кривогаштани, двајца преставници на општина Кривогаштани и преставници на Коалиција СЕГА. Учесниците се стекнаа со основно знаење за проектен циклус и ќе дејствуваат во насока на имплементирање на стекнатите знаења.

На обуката се користеа интерактивни методи, игри на улоги, работа во мали групи, студии на случај и презентации преку кои учесниците се стекнаа со вештини и различни техники за практикување на стекнатото знаење за лобирање и застапување и Структурен дијалог.
На обуката се користеа интерактивни методи, работа во мали групи, студии на случај и презентации преку кои учесниците се стекнаа со знаења за проектен циклус и фазите на прокектниот циклус и тоа: Анализа на потребите, хиерархија на цели, конструирање на индикатори.  На вториот ден од обуката се одржаа сесиите за Логичка рамка, имплементација на активности, мониторинг и евалуција на проектните активности.

Преку оваа обука ќе се делува кон зајакнување на капацитетот на ГО за да започнат да аплицираат и да спроведуваат пректни активности. Во наредната фаза од проектот Коалиција СЕГА ќе биде во улога на ментор на овие организации доколку се појави потреба од консултации за одреден повик или проект.

Проектот е финасиран од програмата за мали грантови на Преда Плус преку проектот "Подобрување на активната вклученост на македонските граѓанскиорганизации во процесот на донесување на одлуки преку зајакнување на новоосновани граѓански организации". Проектот е финансиран од ЕвропскаУнија. Референца: EuropeAid / 151569 / DD / ACT / MK.

 

ЈАВЕН ПОВИК ЗА ПРАКТИКАНТСТВО ВО КОАЛИЦИЈА СЕГА

  • PDF
  • Печати
  • Е-пошта

Коалиција на младински организации СЕГА објавува

ЈАВЕН ПОВИК за практиканство

Согласно активните мерки на Оперативниот план за активните програми и мерки за вработување и услуги на пазарот на трудот за 2018 година усвоен од Владата на Република Македонија, за мерката 3.5 Практикантство, финансирана од Буџетот на Агенцијата за вработување на Република Македонија,

Коалиција на младински организации СЕГА објавува повик за две места за практиканство за времетраење од 3 месеци.

Работни позиции:

1.     Помошник на ЕВС координатор

2.     Комуникациски асистент во Младински Информативен центар ИНФО СЕГА

Придобивки од практиканството за кандидатите:

Месечен надомест за практиканство во износ од 9.000,00 денари, со вклучено осигурување во случај на несреќа при работа и персонален данок на доход.

Практикантот ќе се стекне со следните знаења и вештини:

-       Подобрување на комуникациски вештини

-       Подобрување на англискиот јазик (говорни и пишани вештини)

-       Подобрување на компјутерски вештини

-       Раководење со техничка опрема

Потребни квалификации:

-       Млади евидентирани невработени лица до 29 години, активни баратели на работа, кои претходно немаат работно искуство односно претходно немаат засновано работен однос, и кои досега немаат учествувано во програмата за практиканство

-       Минимум средно образование

-       Познавање на англиски јазик (напредно ниво) и компјутери

-       Напредни компјутерски вештини (дизајн, веб, социјални мрежи) ќе се сметаат за предност

Задачи и одговорности на практикантот:

-       Координација на ЕВС волонтери:

-       Да ги запознае волонтерите со културата, традицијата, начините на живот во Македонија; 

-       Да организира дневни состаноци за планирање на работата на волонтерите;

-       Помош и поддршка во реализацијата на активностите на волонтерите;

-       Административна и техничка поддршка за време на престојот на волонтерите;

-       Да го следи личниот и професионален развој на волонтерите;

-       Редовно да контактира со ЕВС координаторот;

-       Подготовка на дневни извештаи и доставување до ЕВС координаторот;

-       Минимум еднаш неделно да остварува индивидуални неформални средби со волонтерот за негова поддршка 

Поддршка на работата на Младинскиот Информативен и Советодавен Центар ИНФО СЕГА:

-       Поддршка во спроведување на активности на локално ниво

-       Прибирање на информации корисни за младите луѓе од општина Прилеп

-       Помош во пишување на месечни извештаи  

Опционално (во зависност од способностите):

-       Дизајн на публикации, флаери и брошури

-       Администрирање на веб страни

-       Унапредување на примената на социјалните мрежи во информирање на младите.

Начин на аплицирање:

Сите заинтересирани кандидати за практиканти може да аплицираат најдоцна до 10.07.2018 (вторник), до 12:00 часот преку испраќање на свое CV и мотивационо писмо на е-маилот:   Оваа е-пошта е заштитена од spambots, треба да вклучите JavaScript за да ја видите  со назнака: APLIKACIJA ZA PRAKTIKANTSTVO.

 

Коалиција СЕГА одржа Панел дискусија на тема „Младите и медиумите“

  • PDF
  • Печати
  • Е-пошта

Коалиција СЕГА одржа Панел дискусија на тема „Младите и медиумите“

 

Младите не се доволно застапени во националните медиуми. Тие, главно, се информираат од социјалните мрежи, а помалку од телевизијата, радиото и печатените медиуми. Ова беше констатирано на Панел-дискусијата „Младите и медиумите“, која се одржа на 22.06.2018 година, во просториите на Европски универзитет РМ во организација на Kоалиција на младински организации СЕГА во рамки на Неделата на граѓански организации поддржана од УСАИД.

             

Еден од најпознатите македонски млади јутјубери, Марко Марковиќ, кој има 95.000 следбеници, вели дека недостатокот на содржини за млади е една од главните причини поради кои тие се почесто го користат интернетот и социјалните мрежи како извор на информации, а ги отфрлаат традиционалните медиуми како телевизијата, и особено радиото и весниците.
– Забележувам дека Јутјуб и за себе и за младите во моментов е главен извор на забава кај младите од 5 до 20 години. Најголемата причина што овие социјални мрежи доминираат и она отуѓување на младите од традиционалните медиуми сметам дека се должи на повеќе фактори, како што се брзината на информациите… Наутро некој ќе стане и во пижами ги има најновите информации на својот телефон што можеби се случиле во странство, кај нас, истакна Марковиќ на панел дискусија “Младите и медиумите„.
Ставањето видеа на Јутјуб од страна на младите во Македонија, како што кажа тој, се развило во последните две години, иако во светски рамки тоа било популарно десетина години.
Од страна на панелистите беше констатирано дека покрај тоа што младите не се доволно застапени во медиумите, загрижува и фактот што не постои речиси никаков интерес од нивна страна да се вклучат и да соработуваат со медиумите.
Весна Миќиќ-Божиновска, главен и одговорен уредник на дневниот весник “Вечер„, рече дека податоците кои се пласираат во весниците се проверени и сигурни за разлика од оние кои се пласираат на интернет.
– Состојбата со печатените медиуми е лоша, а наши најголеми непријатели се социјалните мрежи, Фејсбук, Твитер… Точно дека весниците повеќе ги читаат постарите, но се трудиме да понудиме и содржини кои ќе бидат интересни за младите. Најчесто младите повеќе ги интересираат текстовите кои се поврзани со скандали, отколку економски анализи или политички теми, истакна главниот уредник на дневниот весник “Вечер”, Весна Миќиќ-Божиновска.
Таа додава дека дневниот весник “Вечер„ секогаш се труди да понуди содржини кои ќе бидат интересни за читање и утредента во што и успева.
Според истражувањата кои ги спроведе Агенцијата за аудио и аудиовизуелни медиумски услуги дури 47 отсто од граѓаните сметаат дека во телевизиските програми многу ретко се зборува за проблемите на младите од 15 до 29 години или, пак, тие учествуваат во програмите, и многу ретко се претставуваат како активни или заинтересирани граѓани.
Сашо Богдановски на денешната панел-дискусија рече дека младите претставуваат единствена категорија според возраста за која интернетот е најзначаен извор за информирање. Сите други возрасни групи најчесто се информираат од телевизијата. Младите, посочи тој, речиси никогаш не се информираат од печатот или од радиото.

Според професорката од Факултетот за правни науки на ЕУРМ, Викторија Кафенџиска, медиумите во голема мера влијаат врз младите, особено врз формирањето на јавното мислење. Оттука е неопходно да се слушне што младите сакаат да видат, да прочитаат и да слушнат.
– Митот околу старите и новите медиуми треба да биде разбиен. Секој медиум е порака и секој медиум влијае врз нивното и врз општото јавно мислење, истакна професорката Кафенџиска и додаде дека младите треба да бидат посебно внимателни кога постираат на интернет бидејќи тоа нивно мислење може да биде злоупотребено.
На панел-дискусијата се дискутираше за застапеноста на содржини наменети за млади на националните телевизии и радиостаници, вестите и забавните содржини за млади, јазикот на кој тие содржини се споделуваат во јавност. Посебен дел од дискусијата беше посветен на предизвиците со кои се соочуваат младите на интернет, вклучувајќи закани по безбедноста, недостаток на приватност и изложеност на насилни содржини на интернет.

 

Реализирана конференција во Белгија за успешно менаџирање на млади таленти

  • PDF
  • Печати
  • Е-пошта

Коалиција СЕГА со свој претставник учествуваше на конференција за успешно менаџирање на младински перспективи и таленти , организирана од страна на институтот за знаење Antall Jozef во соработка со центарот за Европски студии Wilfred Martens кој се одржа на 19ти Јуни во Брисел, Белгија. Целта на настанот беше да се дискутира и да се добијат идеи како би можеле да се решат потешкотиите со младите претприемачи и самите иновации во Западен Балкан.

                                                                                   

Извршниот директор на СЕГА, Зоран Илиески, беше еден од панелистите на настанот на тема “Предизвици и постигнати резултати на граѓанските организации во регионот на Југо Источна Европа”. „Институционалниот и одржлив развој како и пасивноста на младите се двата главни предизвици со кои се соочуваат младинските организации во Македонија.“ истакна Илиески на сесијата. Понатаму тој посочи „Процентот од игрите на среќа е добра основа за финансиска поддршка и институционална одржливост на организациите.“

Говорејќи за постигнувањата тој го истакна развојот на Индексот за Младински Развој, кој со поддршка на УСАИД програмата, СЕГА го имплементира во Македонија. На настанот тој исто така истакна дека преку оваа алатка Македонија ќе биде првата земја во регионот на Западен Балкан во која националните и локалните власти ќе можат да го следат и поддржуваат напредокот на учеството на младите.

Последно освежено на Понеделник, 25 Јуни 2018 15:00

 

Отворен форум за граѓаните - Недела на граѓански организации

  • PDF
  • Печати
  • Е-пошта

 

На 20.06.2018 година, во Прилеп (до градскиот саат), се реализира настан „Отворен форум со граѓаните“.Главната причина за реализација на самиот настан беше зајакнување на довербата помеѓу граѓаните и граѓанските организации, појаснување на улогата на граѓанските организации во нашето општество и да се зголеми угледот на граѓанските организации на локално и национално ниво.

Главните цели на настанот беа следните: 1) Да се промовираат постигнувањата на граѓанските организации кај локалните граѓани, интеракција со граѓаните, како и презентација на резултатите итн. 2) Реализација на Форум на националните и локални младите младински граѓански организации со цел да ја презентираат и дискутираат својата работа со локалните граѓани на следните теми: Отворено Владино партнерство; Улогата на граѓанските организации и вработување на младите; Улогата на граѓанските организации во Кариерното насочување и советување; Улогата на граѓанските организации во реформи во образованието; Граѓанско учество; Волонтирање и Младинско информирање.

Активностите се реализираат во рамките на Неделата на граѓанските организации која се имплементира во периодот од 18 - 23 јуни 2018 година со поддршка на УСАИД (Проектот за Граѓанско учество).

Следен настан во организација на Коалиција СЕГА во рамките на Неделата на граѓански организации е Панел дискусија на тема „Младите и медиумите“ кој ќе се реализира на 22.06.2018, во просториите на Европски Универзитет, во Скопје со почеток од 12:00 часот.

Последно освежено на Четврток, 21 Јуни 2018 12:01

 

Страница 1 од 39

ПРИЈАВА ЗА УЧЕСТВО НА ЛЕТЕН КАМП ВО ТРОГЕН!

FLETËPARAQITJE PËR PJESMARRJE NË SHKËMBIMIN NDËRKULTUROR NË FSHATIN E FËIMIJËVE PESTALOCI TROGEN

СЕГА Е ЕУРОДЕСК ИНФОРМАТИВЕН ЦЕНТАР

Анкета

Дали сметате дека Владините мерки за вработување ќе ја намалат младинската невработеност?
 

СЕГА во медиумите

Коалиција на младински организации СЕГА е:

организација
членка на:
организација
соработник на:

придружна
организација
на:

Календар на активности на СЕГА

јуни 2018 јули 2018 август 2018
Mo Tu We Th Fr Sa Su
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31