|
Проект: Поттикнување на младинското учество во политичките процеси – ЕДУКАЦИЈА НА МЛАДИ ГЛАСАЧИ –
Почитувани, Посебна чест ни е да Ве известиме за започнувањето со имплементација на проектот Поттикнување на младинското учество во политичките процеси – ЕДКАЦИЈА НА МЛАДИ ГЛАСАЧИ. Овој проект, којшто ќе се имплементира во периодот октомври 2008 - април 2009 година, има за цел да обезбеди едукација на младите во општините Струга, Охрид, Ресен, Битола, Демир Хисар, Прилеп, Кавадарци, Неготино, Гевгелија, Штип, Струмица, Берово и Радовиш за учество во изборен процес, избирачки права, изборен систем и политички субјекти. Исто така, проектот има за цел да ја подигне свеста за важноста од учество во избори кај младите гласачи од урбаните и руралните средини придонесувајќи кон зголемување на процентот на излезени гласачи на следните Локални и Претседателски Избори во 2009 година. Ги повикуваме сите активисти на младинските организации и/или организации и здруженија на граѓани кои развиваат младински програми и активности да земат учество во реализација на проектот. Од секој од наведените градови ќе бидат избрани по двајца (2) локални едукатори. Заинтересираните членови на младинските организации од градовите Струга, Охрид, Ресен, Битола, Демир Хисар, Прилеп, Кавадарци, Неготино, Гевгелија, Штип, Струмица, Берово и Радовиш се поттикнуваат да достават пополнета апликација која можете д аја преземете на следниот линк: Апликација за локални едукатори . Заедно со апликацијата, апликантите треба да достават и писмо со поддршка од матичната организација. Основните задачи на локалните едукатори се однесуваат на организирање на едукативни работилници во средните училишта и организирање на промотивни настани и хепенинзи во градовите од кои доаѓаат истите како и организирање на трибини во руралните средини. Крајниот рок за пријавување е 10 октомври 2008 година. Потребната документација за пријавување треба да биде испратена на следните е-маил адреси: sega@sega.org.mk и coalitionsega@mt.net.mk Апликантите кои доаѓаат од организациите членки на Коалиција СЕГА, ќе имаат предност при селекцијата. Сите пријавени кандидати ќе бидат известени за изборот на локалните едукатори на 15 октомври 2008. До колку имате дополнителни прашања, Ве молиме контактирајте ги следните лица: Томе Гајтаноски, Асистент на проектот – контакт телефон 048/429 390 и е-маил:
This e-mail address is being protected from spam bots, you need JavaScript enabled to view it
Драгана Митровиќ, Регионален координатор – РК – Штип – контакт телефони 032/ 382-356, 071/ 378-030 или segast@sega.org.mk Даниела Кузмановска, Регионален координатор – РК – Охрид – контакт телефони 046/252 926 или segaoh@sega.org.mk Овој проект го имплементира Коалицијата на Младински Организации СЕГА. Проектот е финансиран од National Endowment for Democracy и Коалицијата на младински организации СЕГА.Коалицијата на младински организации СЕГА е независна и непрофитна организација која е формирана во 2004 година. Коалицијата СЕГА ја сочинуваат 25 младински организации од различни делови на Република Македонија. Коалицијата СЕГА континуирано работи на застапување и лобирање на полето на младинската политика во РМ, ги поврзува и јакне младите со цел подобрување на нивната општа состојба. |
Врз основа на Стратешкиот План на Коалицијата СЕГА, стратешка определба I, Воспоставување на Стратешко Партнерство со Агенцијата за млади и спорт на Република Македонија, Коалицијата СЕГА изготви проект со кој ќе се делува во процесите на започнување со имплементација на Националната стратегија за млади на Република Македонија. За таа цел на 05.07.2007 год. се потпиша Меморандум за Соработка со Агенцијата за млади и спорт на Република Македонија за воспоставување на стратешко партнерство при изготвување на Акционен План за Имплементација на Националаната Стратегија за Млади на Република Македонија. 
